RCB ಜೊತೆ ಕೊಹ್ಲಿಯ ಭಾವನಾತ್ಮಕ ನಿಲುವು ಒಂದು ಮಾದರಿಯೇ?

- June 04, 2025

RCB... RCB... RCB... ಕೋಟ್ಯಂತರ ಜನಗಳ ಅಣು ಅಣುವಿನಲ್ಲೂ ಕಣ ಕಣದಲ್ಲೂ RCB.

ಹದಿನೆಂಟು ವರ್ಷಗಳಲ್ಲಿ RCB ತಂಡದ ಹಲವಾರು ಆಟಗಾರರ ಮಿತಿಮೀರಿದ ಪ್ರಯತ್ನಗಳು, ಎಡವಟ್ಟುಗಳು, ಅನುಭವಗಳು, ಸೋಲುಗಳು, ನೋವುಗಳು, ನಿರಾಷೆಗಳು. ಸ್ಪರ್ಧಾತ್ಮಕ ಕ್ರೀಡೆ ಎಂದ ಮೇಲೆ ಇವೆಲ್ಲವೂ ಸರ್ವೇ ಸಾಮಾನ್ಯವೇ.

ಪ್ರತಿ ಬಾರಿ ಸೋತಾಗಲು "RCB ಗೆ ಚಿಪ್ಪು ಲಾಲಿಪಪ್ಪು" ಎಂದು ಕೇವಲವಾಗಿ ಗೇಲಿ ಮಾಡಿದಾಗಲೂ, ಉದಾರ ಮನಸ್ಸಿನಿಂದ "ಪರವಾಗಿಲ್ಲ ಬಿಡಿ... ಮುಂದಿನ ಸಲ ಕಪ್ ನಮ್ದೇ" ಅಂತ ಹೇಳಿಕೊಂಡು ಸಮಾಧಾನ ಪಡುತ್ತಿದ್ದೆವು. ಅದೇ ರೀತಿ ಈ ಬಾರಿಯೂ ಗೆಲ್ಲದಿದ್ದರೆ ಅಷ್ಟು ಸುಲಭವಾಗಿ ನಾವು ಹೇಳಲು ಸಾಧ್ಯವಿತ್ತೇ?

ಖಂಡಿತವಾಗಿಯೂ ಇಲ್ಲ. RCB ತಂಡ ಈಗ ಅಲ್ಲದಿದ್ದರೆ ಮುಂದೆ ಯಾವಾಗಲೋ ಒಂದು ಸರ್ತಿ ಗೆಲ್ಲಬಹುದಿತ್ತು. ಆದರೆ, ಈ ಬಾರಿ ಗೆಲುವು ಬೇಕೇ ಬೇಕು ಎಂದು ಕೋಟ್ಯಾಂತರ ಅಭಿಮಾನಿಗಳು ಕಾದು ಕುಳಿತಿದ್ದರು. ಈ ಆಶಯ ಕೇವಲ RCB ತಂಡದ ಮೇಲಿನ ಅಭಿಮಾನ ಮಾತ್ರವಲ್ಲ, ಒಂದು ವ್ಯಕ್ತಿತ್ವಕ್ಕಾಗಿ ಕೂಡ.

ಒಮ್ಮೆಯಾದರೂ "ಈ ಸಲ ಕಪ್ ನಮ್ದು" ಎಂದು ಉದ್ಘರಿಸಿ ಮುತ್ತಿಡಬೇಕು ಎಂದು 18 ವರ್ಷಗಳ ಕಾಲ ತಂಡದೊಂದಿಗೆ ಬಂಡೆಯಾಗಿ ನಿಂತದ್ದ ಏಕೈಕ ವ್ಯಕ್ತಿ ವಿರಾಟ್ ಕೋಹ್ಲಿ.

ಹೌದು, ಪ್ರತಿ ವರ್ಷ ಈತನಿಗೆ ಗೆಲುವಿನ-ಕುದುರೆ ಏರುವ ಅವಕಾಶವಿದ್ದರೂ ಬೇರೆ ಯಾವುದೇ ತಂಡಕ್ಕೆ ಹೋಗದೆ ಭಾವನಾತ್ಮಕವಾಗಿ ನಾಡಿನ ಜನತೆಯೊಂದಿಗೆ ಬೆರೆತಿದ್ದ ಈ ವ್ಯಕ್ತಿ ಸಮಾಜಕ್ಕೆ ಒಂದು ಮಾದರಿಯೇ ಸರಿ.

ಲಾಭ-ನಷ್ಟ, ಸೋಲು-ಗೆಲುವು, ಪ್ರಶಸ್ತಿ-ಪ್ರಶಂಸೆ ಇಂತವುಗಳ ದುಂಬಾಲು ಬಿದ್ದಿರುವ ಮನುಷ್ಯ ಜೀವನದಲ್ಲಿ ಭಾವನಾತ್ಮಕ, ಅಚಲತೆ, ದೃಢ-ಸಂಕಲ್ಪ ಗುಣಗಳು ಮರೀಚಿಕೆಯಾಗಿವೆ. ಇಂತಹ ಸಮಯದಲ್ಲಿ ಈ ತರದ ವ್ಯಕ್ತಿತ್ವಗಳು ಕಾಣಸಿಗುವುದು ಬಲು ಅಪರೂಪ.

My Heart and Soul is with Bengaluru.

RCB fans are ROYAL in LOYAL.

Anushka is from Bengaluru, she is more happy.

ಈ ಸಲ ಕಪ್ ನಮ್ದು.

ಈ ಮೇಲಿನ ಮಾತುಗಳು ವಿರಾಟ್ ಕೊಹ್ಲಿ ಪಂದ್ಯ ಮುಗಿದ ನಂತರ ಮೈದಾನದಲ್ಲಿ ಭಾವನಾತ್ಮಕವಾಗಿ ಹೇಳಿದ ಮಾತುಗಳು. ಕೆಲವು ಪ್ರಸಿದ್ಧ ವ್ಯಕ್ತಿಗಳು ಈ ನಾಡಿನಲ್ಲಿ ಹುಟ್ಟಿ ಅಂತರಾಷ್ಟ್ರೀಯ ಮಟ್ಟದಲ್ಲಿ ಬೆಳೆದಿರುವವರು ಕೂಡ ತನ್ನ ತಾಯ್ನಾಡಿನ ಬಗ್ಗೆ ಇಷ್ಟು ಹೆಮ್ಮೆಯಿಂದ ಹೇಳಿಕೊಳ್ಳುವುದಿಲ್ಲ. ಇಂಥವರುಗಳ ಮಧ್ಯೆ ವಿರಾಟ್ ಕೊಹ್ಲಿಯ ಈ ನಿಷ್ಠೆ ಮತ್ತು ಅಭಿಮಾನದ ಮಾತುಗಳು ಕೇಳಿದರೆ ಅವರ ಮೇಲಿನ ಗೌರವ ಹೆಚ್ಚಾಗುತ್ತೆ.

ಈ ಗೆಲುವಿಗೆ ಕಾರಣ ಎಲ್ಲರ ಪ್ರರಿಶ್ರಮ, ಶ್ರದ್ಧೆ, ನಿಷ್ಠೆಯಿಂದ ದಕ್ಕಿದೆಯಾದರೂ ಗೆಲುವಿನ ಅರ್ಪಣೆ ಈ ವಿಶಿಷ್ಟ ಮಾದರಿಯ ವ್ಯಕ್ತಿತ್ವಕ್ಕೂ ಕೂಡ ಸಲ್ಲತಕ್ಕದ್ದು ಎಂಬುದು ನನ್ನ ಅಭಿಪ್ರಾಯ.

- ರಾಘವೇಂದ್ರ. ಜಿ. ಶ್ರೀರಾಮಯ್ಯ

For more articles follow us on FB 👉

Comments

ಹೇಗಿದ್ದಾರೆ ಮೇಷ್ಟ್ರು..?

- October 07, 2022

ಶಾಲೆಯಲ್ಲಿ ವಿದ್ಯೆ ಕಲಿಸಿದ ಗುರುಗಳನ್ನ ಸಾಮಾನ್ಯವಾಗಿ ವಿದ್ಯಾರ್ಥಿ ಜೀವನಕ್ಕೆ ಮಾತ್ರ ಸೀಮಿತವಿಡುತ್ತೇವೆ. ಅಭ್ಯಾಸವಧಿಯ ನಂತರ ಶಿಕ್ಷಕರನ್ನು ಮರೆತುಬಿಡುವುದು ಲೋಕರೂಡಿಯಾಗಿದೆ. . ಹೌದು, ದಿನನಿತ್ಯ ಜೀವನದ ಹಲವಾರು ಪ್ರಸಂಗಗಳಲ್ಲಿ ಹಾಗೂ ಕಷ್ಟ ಕಾರ್ಪಣ್ಯಗಳ ನಡುವೆ ನಮಗೆ ಸಲಹೆ-ಸೂಚನೆಗಳು, ಮಾರ್ಗದರ್ಶನ ಬೇಕೆನಿಸಿದ್ದಲ್ಲಿ ಹೊಸದಾಗಿ ಪರಿಚಯವಾದ ಸುತ್ತಮುತ್ತಲಿನ ವ್ಯಕ್ತಿಗಳನ್ನು ಕೇಳುತ್ತೇವೆ ಮತ್ತು ಅವರ ಸಲಹೆಯನ್ನು ಪಾಲಿಸುತ್ತೇವೆ ಕೂಡ. ತದನಂತರ ಕೆಲವೊಮ್ಮೆ ಅಯ್ಯೋ... ಅವರ ಮಾತು ಕೇಳಬಾರದಿತ್ತು ಅಂತ ಪೇಚಾಡುವ ಪ್ರಸಂಗ ಸಹ ನೋಡಿರುತ್ತೇವೆ. ಆದರೆ ನಮಗೆ ಬಾಲ್ಯದಿಂದ ನಿಸ್ವಾರ್ಥವಾಗಿ ಕಲಿಸಿದ ಒಬ್ಬ ಗುರುವಿನ ಸಲಹೆ ಪಡೆಯೋಣ ಎಂಬ ಕನಿಷ್ಠ ಮನೋಭಾವನೆ ಬರುವುದಿಲ್ಲ. . ಗುರುಗಳ ಸಲಹೆ, ಮಾರ್ಗದರ್ಶನ ಪಡೆಯದಿದ್ದರೆ ಬಿಡಿ; ಅಪರೂಪಕ್ಕಾದರೂ ನಮಗಿಷ್ಟವೆನಿಸಿದ್ದ ಗುರುವಿಗೆ ಕರೆ ಮಾಡಿ " ಹೇಗಿದ್ದೀರಾ ಸರ್ / ಮೇಡಂ...? " ಎಂದು ಕೇಳುವ ಕನಿಷ್ಠ ಸೌಜನ್ಯವೂ ನಮಗಿಲ್ಲವಾಗಿದೆ. . ಅಲ್ಲಿ ಇಲ್ಲಿ ಪರಿಚಯವಾದ ಅಥವಾ ನೆರೆಹೊರೆಯ ವ್ಯಕ್ತಿಗಳ ಜೊತೆ ರಕ್ತ ಸಂಬಂದಿಗಳಿಗಿಂತ ಹೆಚ್ಚಿನ ತರ ಯಾವಾಗಲೂ ಒಡನಾಟ ಇಟ್ಟುಕೊಳ್ಳುತ್ತೇವೆ, ಸಂಪೂರ್ಣ ನಂಬುತ್ತೇವೆ, ಅವರಿಗೆ ಕಷ್ಟ ಎಂದಾಗ ಹಗಲು-ರಾತ್ರಿ ಬಿಸಿಲು-ಮಳೆ-ಗಾಳಿ-ಚಳಿ ಎನ್ನದೆ ಎದ್ದು ಬಿದ್ದು ಓಡಾಡುತ್ತೇವೆ, ಕೈಲಾದ ಸಹಾಯ ಮಾಡುತ್ತೇವೆ, ಮುಗಿಬಿದ್ದು ಅವರ ಹುಟ್ಟು ಹಬ್ಬ ಆಚರಿಸುತ್ತೇವೆ, ಹಬ್ಬ...

ಸೂತಕದಲ್ಲಿ ಸಡಗರದ ರಾಜ್ಯೋತ್ಸವ ಬೇಡ

- October 31, 2021

ಬಡಿದೆಬ್ಬಿಸಿ ಕೇಳಬೇಕು ಗಾಂಧೀಜಿ ಯನ್ನ

- August 22, 2022

ಕ್ರಾಂತಿಕಾರಿ ಸ್ವಾತಂತ್ರ್ಯ ಹೋರಾಟಗಾರರನ್ನ ವಿಜೃಂಭವಿಸುವ ನೆಪದಲ್ಲಿ ಶಾಂತಿ-ಅಹಿಂಸೆ ಎಂಬ ಧ್ಯೇಯದೊಂದಿಗೆ ಸ್ವಾತಂತ್ರ್ಯ ಸಂಗ್ರಾಮ ಮಾಡಿದ ಗಾಂಧೀಜಿಯವರ ಹೆಸರನ್ನು ಭವಿಷ್ಯದಲ್ಲಿ ಇತಿಹಾಸ ಕಲಿಕೆಯ ಪುಟಗಳಿಂದ ಅಳಿಸಿಹಾಕುವ ವ್ಯವಸ್ಥಿತ ಕುತಂತ್ರ ಏನಾದರೂ ನಡೆಯುತ್ತಿದೆಯಾ? ಹೌದು, ರಾಜ್ಯದಲ್ಲಿ ನಡೆಯುತ್ತಿರುವ ಪ್ರಸ್ತುತ ಬೆಳವಣಿಗೆಗಳನ್ನು ಗಮನಿಸುತ್ತಿದ್ದರೆ ಹಾಗೆ ಅನ್ನಿಸೋದು ಸಹಜವೆ. ಸ್ವಾತಂತ್ರ್ಯಪೂರ್ವ ದಲ್ಲಿ ಮಹಾತ್ಮಗಾಂಧಿ ಯವರು ತೆಗೆದುಕೊಂಡ ಕೆಲವು ನಿರ್ಧಾರಗಳ ಬಗ್ಗೆ ಕೆಲ ಅವಿವೇಕಿಗಳು ಈಗಾಗಲೇ ಗುಸು-ಗುಸು ಅಪಪ್ರಚಾರ ಮಾಡುತ್ತಿದ್ದಾರೆ. ಮುಂಬರುವ ವರ್ಷಗಳಲ್ಲಿ ಗಾಂಧೀಜಿ ಯವರ ನಿಲುವು-ನಿರ್ಧಾರಗಳ ಬಗ್ಗೆ ಬಹಿರಂಗ ಚರ್ಚೆಗೆ ಸಿಲುಕಿಸಿದರೂ ಅಚ್ಚರಿ ಇಲ್ಲ. 75ನೇ ಸ್ವಾತಂತ್ರ್ಯ ಅಮೃತ ಮಹೋತ್ಸವ ಆಚರಣೆಗಳಲ್ಲಿ ಹೆಚ್ಚು ಪ್ರಚಲಿತವಿದ್ದ ಹೆಸರುಗಳು ಸಾವರ್ಕರ್ ಮತ್ತು ಟಿಪ್ಪು ಸುಲ್ತಾನ್ . ಒಬ್ಬರು ನಮ್ಮವ ವೀರ ಹೋರಾಟಗಾರ ಎಂದರೆ, ಮತ್ತೊಬ್ಬರು ನಮ್ಮವ ಧೀರ ಹೋರಾಟಗಾರ ಎಂದು ಬಡಿದಾಡುತ್ತಿದ್ದಾರೆ. ಇದರ ನಡುವೆ ಶತಮಾನಗಳಿಂದ ಅನುಕರಿಸಿ ಬಂದ ಗಾಂಧಿ-ತತ್ವಭೋಧನೆಗಳನ್ನ ಯಾರೊಬ್ಬರೂ ಸಮಾಜದ ಮುಂದೆ ಉದ್ಗರಿಸಿ ಪರಿಪಾಠ ಮಾಡದಿರುವುದು ವಿಪರ್ಯಾಸವೇ ಸರಿ. ಈ ಎಲ್ಲಾ ಅಸಹಜ ಘಟನೆಗಳನ್ನ ಸೂಕ್ಷ್ಮವಾಗಿ ಗಮನಿಸಿ ನೋಡಿದರೆ ಕಣ್ಮುಂದೆ ಅಪ್ಪಳಿಸುವ ಸಹಜ ಅನುಮಾನ; ಇವೆಲ್ಲವೂ ವ್ಯವಸ್ಥಿತ ಷಡ್ಯಂತ್ರದ ಪ್ರಾಯೋಜಿತವೇ...? ಪಿತಾಮಹಾ ಗಾಂಧ...

ಸಾರ್ಥಕ ನಿವಾಸ

- March 27, 2023

ದಂಪತಿ ಮತ್ತು ಇಬ್ಬರು ಪುಟ್ಟ ಮಕ್ಕಳನ್ನು ಕೂಡಿದ್ದ ಚಿಕ್ಕ ಸಂಸಾರವದು. ಕಡು ಬಡತನದ ಬೇಗುದಿಯಲ್ಲಿ ಬೆಂದೆದ್ದು ಹಾಗೋ ಹೀಗೋ ಸಾಗುತ್ತಿದ್ದ ಜೀವನ. ಸಂಸಾರದ ಅತ್ಯಲ್ಪ ಅವಧಿಯಲ್ಲಿ ಪತಿಯ ಅಕಾಲಿಕ ಮರಣವೆಂಬ ಆಘಾತ. ಪರಿಣಾಮ, ತನ್ನೆರೆಡು ಚಿಕ್ಕ ಮಕ್ಕಳ ಪೋಷಣೆಯ ಸಂಪೂರ್ಣ ಜವಾಬ್ಧಾರಿ ತಾಯಿಯ ಹೆಗಲೇರಿತು. ಸ್ವಂತ ಮನೆಯಿಲ್ಲ, ನನ್ನವರು ತನ್ನವರು ಎಂಬುವರಿಲ್ಲ, ಕಷ್ಟ ಕಾರ್ಪಣ್ಯಗಳ ಸಾಲು ಸಾಲು ಸರಮಾಲೆ. ಬಾಲ್ಯದಲ್ಲಿ ಬೇಕು-ಬೇಡಗಳ ಬಯಕೆಗಳನ್ನು ಬದಿಗಿರಿಸಿ ಬದುಕುತ್ತಿದ್ದ ಮಕ್ಕಳು ಒಂದು ಕಡೆ. ಹೇಗೋ ಕಷ್ಟ ಪಟ್ಟು ಮಕ್ಕಳನ್ನ ಎದೆ ಎತ್ತರಕ್ಕೆ ಬೆಳೆಸಿ, ಅವಶ್ಯಕ ವಿದ್ಯಾಭ್ಯಾಸದ ಅನುವು ಮಾಡಿ, ಮಗಳ ಮದುವೆ ಮತ್ತು ಮಗನಿಗೆ ಜೀವನ ಮಾರ್ಗ ತೋರಿಸಿಕೊಟ್ಟ ತಾಯಿಯ ಶ್ರಮ ಮೆಚ್ಚಲೇಬೇಕು. ಮಗ ಒಳ್ಳೆಯ ಕೆಲಸಕ್ಕೆ ಸೇರಿ ತನ್ನ ಕಾಲ ಮೇಲೆ ತಾನು ನಿಲ್ಲುವಂತಾದರೆ ಸಾಕು ಎಂಬ ಹಿತ ಹಾರೈಕೆಯ ನಿಸ್ವಾರ್ಥ ಆಶಯ ಮಾತ್ರ ಆ ತಾಯಿಯದು. ಮತ್ತೊಂದೆಡೆ, " ಸ್ವಂತ ಮನೆ " ಎಂಬ ಗುಲಗಂಜಿ ಆಸೆ ಅಥವಾ ಕಲ್ಪನೆಯೂ ಇಲ್ಲದ ತನ್ನ ತಾಯಿ ಸಣ್ಣ ಪುಟ್ಟ ಬಾಡಿಗೆ ಮನೆಗಳಲ್ಲಿಯೇ ಜೀವನದ ಬಂಡಿ ಸಾಗಿಸಿದ ದೃಶ್ಯ ಮತ್ತು ತಾಯಿಯ ಎಲ್ಲಾ ಕಷ್ಟಗಳನ್ನು ಬಾಲ್ಯದಿಂದ ಮೂಖನಂತೆ ನೋಡಿಕೊಂಡು ಬೆಳೆದಿರುವ ಮಗನಿಗೆ ತಾನು ಒಂದು ಮನೆ ಕಟ್ಟಿ " ಅಮ್ಮಾ... ಇದು ನಿನ್ನ ಸ್ವಂತ ಮನೆ... " ಎಂದು ಹೇಳಿ, ಒಂದು ದಿನವಾದರೂ ನನ್ನಮ್ಮನನ್ನು ಸ್ವಂತ ಮನೆಯಲ್ಲಿ ಇರಿಸುವ ಇರಾದೆ ಆ ಮಗನಿ...

ಅಮುಲ್ ಗೆ ವಿರೋಧವೇಕೆ, ನಂದಿನಿ ಗೆ ಬೆಂಬಲ ಬೇಕೆ?

- April 10, 2023

ಮಾರುಕಟ್ಟೆಯಲ್ಲಿ ಆರೋಗ್ಯಕರ ಪೈಪೋಟಿ ವ್ಯವಹಾರ ಇರಬೇಕು ಸತ್ಯ. ಆದರೆ, ಕಾಲಾಂತರದಲ್ಲಿ ಪೈಪೋಟಿಯ ಸಮರದಿಂದ ಎದುರಾಳಿಯನ್ನು ಹೂತು ಹಾಕುವ ಹುನ್ನಾರ ಕಾಣದ ಕೈಗಳಿಂದ ನಡೆದರೆ ಏನಾಗಬಹುದು? ಹೌದು, "KMF - ನಂದಿನಿ ಸಂಸ್ಥೆ" ವಿಷಯದಲ್ಲಿ ಪ್ರಸಕ್ತ ವಿದ್ಯಮಾನಗಳನ್ನು ಗಮನಿಸುತ್ತಿದ್ದರೆ ಹಾಗೆನ್ನಿಸುವುದು ಸತ್ಯವೇ. ದಶಕಗಳಿಂದ ಆಮೇಗತಿ ಯಲ್ಲಿ ಯಶಸ್ವಿಯಾಗಿ ಸಾಗಿಬಂದು ಕೋಟ್ಯಂತರ ರೈತರ ಪಾಲಿನ ಕಾಮಧೇನು ಕಲ್ಪವೃಕ್ಷದ ಮಡಿಲಿನಂತೆ ಇರುವುದು ಸತ್ಯವೇ. ಇಂತಹ ನಮ್ಮ ನಂದಿನಿ ಮಡಿಲಿಗೆ ಅಮುಲ್ ಎಂಬ ಸಂಸ್ಥೆ ದೀರ್ಘಕಾಲದಲ್ಲಿ ಕೊಡಲಿ ಪೆಟ್ಟು ಕೊಡುವ ಸಾಧ್ಯತೆ ತಳ್ಳಿಹಾಕುವಂತಿಲ್ಲ. ಕಾರಣಗಳು... ಅಮುಲ್ ಗುಜರಾತ್ ಸರ್ಕಾರದ ಕೃಪಾ ಪೋಷಿತ ಸಂಸ್ಥೆ. ಈ ಸಂಸ್ಥೆ ಕರ್ನಾಟಕ ರಾಜ್ಯದಲ್ಲಿ ಬೃಹತ್ತಾಗಿ ಬೇರೂರಲು ಅಲ್ಲಿನ ಸರ್ಕಾರ ಎಲ್ಲಾ ರೀತಿಯ ಸಹಕಾರ ನೀಡಿ ಪೋಷಿಸುತ್ತದೆ. ಹಾಗಾಗಿ, ಅಮುಲ್ ನಮ್ಮ ರಾಜ್ಯದಲ್ಲಿ ಕಾರ್ಪೊರೇಟ್ ಮಟ್ಟದ ಮಳಿಗೆಗಳನ್ನು ಕಣ್ಣು ಕುಕ್ಕುವಂತೆ ಸ್ಥಾಪಿಸಿ, ಆರಂಭದಲ್ಲಿ ಕಡಿಮೆ ಬೆಲೆಗೆ ಆಕರ್ಷಣೆ ಮಾಡಿ, ಮನೆ-ಹಾಳು ಮಾಡುವಂತಹ Competitive Price, Market Competition ಎಂಬದನ್ನು ಅನಾವಶ್ಯಕವಾಗಿ ಹುಟ್ಟುಹಾಕುತ್ತಾರೆ. ನಗರ ಪಟ್ಟಣದ ಗಲ್ಲಿ-ಗಲ್ಲಿಗಳಲ್ಲಿ ಪೆಟ್ಟಿ ಅಂಗಡಿ ಮಾದರಿಯಲ್ಲಿ ನಂದಿನಿ ಬೂತ್ ಗಳನ್ನು ನಡೆಸುತ್ತಿರುವ ನಮ್ಮ ಬಡ/ಮದ್ಯಮ ವರ್ಗದ ಜನರು ಆ ಮಟ್ಟದ ಸ್ಪರ್ಧೆ ಒಡ್ಡಲು ಸಾಧ್ಯವೇ? ನಮ್ಮ KMF ಸಂಸ್ಥೆಯೇ ಆ ಮಟ್...

ಮನೋಜ್ಞ ಮಾದರಿ

- September 03, 2022

ಸಾಧನೆಯೆಂಪಥದಲ್ಲಿ ನಡೆಯ ಬಯಸೆಂಬುವರ ತಡೆವವರಾರು.! ಒಬ್ಬ ಮಹಿಳೆಗೆ ಸಾಮಾನ್ಯವಾಗಿ ತನ್ನ ಸಾಂಸಾರಿಕ ಜಂಜಾಟಗಳ ನಡುವೆ ಯಾವುದಾದರು ಒಂದು ವೃತ್ತಿ ಕ್ಷೇತ್ರದಲ್ಲಿ ಕೆಲಸ ಮಾಡುವುದೇ ಕಷ್ಟವೆನ್ನಿಸಬಹುದು. ಇವುಗಳ ಜೊತೆಗೆ ಬಾಲ್ಯದಿಂದ ತಾ ಬಯಸಿದ ಮಗದೊಂದು ಕ್ಷೇತ್ರದಲ್ಲಿಯೂ ಸಹ ಉತ್ತುಂಗ ಸಾಧನೆಯತ್ತ ದಾಪುಗಾಲು ಹಾಕುವುದೆಂದರೆ ಅಸಾಮಾನ್ಯವೇ. ಮನೋಜ್ಞ ಹೌದು, ಮನೋಜ್ಞ ನೃತ್ಯ ಕಲಾ ಅಕಾಡೆಮಿ ಎಂಬ ಸಂಸ್ಥೆಯನ್ನು ಯಶಸ್ವಿಯಾಗಿ ನಡೆಸುತ್ತಿರುವ ವಿದುಷಿ ಮಾನಸ ಮನುಮೋಹನ್ ರವರು ಭರತನಾಟ್ಯ ಕ್ಷೇತ್ರದಲ್ಲಿ ಸಾಧನೆಯತ್ತ ಮುಖ ಮಾಡಿದ್ದಾರೆ ಎಂದನಿಸುತ್ತೆ. ಮನೋಜ್ಞ ದೈನಂದಿನ ಜೀವನದ ಕೆಲಸ ಕಾರ್ಯಗಳಿಗೆ ಯಾರೊಬ್ಬರ ಸಹಾಯವೂ ಬಳಸದೆ ಮನೆ-ಮಕ್ಕಳ ಕೆಲಸಗಳನ್ನು ಸ್ವತಃ ಪತಿ-ಪತ್ನಿಯೇ ನಿಭಾಯಿಸಿ, ಕಾಲೇಜಿನಲ್ಲಿ ಸಹಾಯಕ ಪ್ರಾಧ್ಯಾಪಕಿ ವೃತ್ತಿ ಮುಗಿಸಿ, ನಂತರ ಸಂಜೆ ವೇಳೆಗೆ ತನ್ನ ಬಹು ನೆಚ್ಚಿನ ಭರತನಾಟ್ಯದ ಎರಡು ಶಾಲೆಗಳಲ್ಲಿ ನೂರಾರು ಹೆಣ್ಣು ಮಕ್ಕಳಿಗೆ ಭರತನಾಟ್ಯ ಕಲೆಯ ತರಬೇತಿ ನೀಡುತ್ತಿದ್ದಾರೆ. ಇವೆಲ್ಲವುಗಳ ನಡುವೆ ಪಿ.ಎಚ್.ಡಿ ಪದವಿಗೆ ತಯಾರಿ ಮಾಡಿಕೊಳ್ಳುವುದು. ಇಷ್ಟೆಲ್ಲವನ್ನೂ ಇವರು ನಿಭಾಯಿಸುವ ರೀತಿ ಕೇಳಿದರೆ ಯಾರಿಗೆ ಆಗಲಿ ಆಶ್ಚರ್ಯ ಅನ್ನಿಸುತ್ತದೆ. ಇವರ ಲವಲವಿಕೆಯ ಕಾರ್ಯವೈಖರಿಗಳನ್ನ ನೋಡಿದರೆ ಪಾದರಸವನ್ನೂ ಮೀರಿಸುವಂತಿದೆ ಹಾಗೂ ಇವರ ನಿರಾಯಾಸ ಬದುಕು ಬೇರೊಬ್ಬರಿಗೆ ಮಾದರಿಯೇ ಸರಿ. ಮನೋಜ್ಞ ಮನೋಜ್ಞ ಪದದ ಭಾವಾರ್ಥ ತುಂಬುವ ಚಿಕ...

ದೃಢ ನಿರ್ಧಾರ, ದೃಢ ಮನಸ್ಸು

- July 17, 2023

ಭಾರತೀ ವಸತಿ ಸಂಯುಕ್ತ ಪದವಿ ಪೂರ್ವ ಕಾಲೇಜು (BRCPUC), ಹನುಮಂತನಗರ, ಮಂಡ್ಯ ಜಿಲ್ಲೆ. ಈ ವಸತಿ ಸಂಯುಕ್ತ ಕಾಲೇಜಿನಲ್ಲಿಯೇ ಮಗನನ್ನು ಸೇರಿಸಬೇಕೆಂಬ ಮಹದಾಸೆ ಹೊಂದಿರುವ ಅಪ್ಪ. 1st PUC ಪ್ರವೇಶ ಪರೀಕ್ಷೆ ಬರೆದ ಕೆಲವು ಘಂಟೆಗಳಲ್ಲಿ ಮಗ ಅನುತ್ತೀರ್ಣ ಎಂಬ ಸುದ್ದಿ ನಿರಾಶೆ ಮೂಡಿಸಿತು. " ಏನಯ್ಯಾ... ಇದೊಂದು ಪರೀಕ್ಷೆ ನೀನು ಪಾಸ್ ಆಗಿದ್ದಿದ್ರೆ ಚೆನ್ನಾಗಿರ್ತಿತ್ತು. ನೋಡು, ಪಾಸ್ ಆಗಿರುವ ಆ ಎಲ್ಲಾ ಹುಡುಗರ ತಂದೆಯರು ಎಷ್ಟು ಖುಷಿಯಿಂದ ಹೋಗ್ತಿದ್ದಾರೆ... " ಎಂದು ಅಪ್ಪ ನೋವಿನಿಂದ ಹೇಳಿದ ಮಾತು, ಕೇಳಲು ಬಲು ಭಾರ. ಮಗ ಪ್ರವೇಶ ಪರೀಕ್ಷೆಯಲ್ಲಿ ಫೇಲ್ ಆದಾಗಿಯು ಸಹ ಏನಾದರೂ ಮಾಡಿ ಅವನನ್ನು ಇದೇ ಕಾಲೇಜಿನಲ್ಲಿ ಸೇರಿಸಬೇಕೆಂಬ ದೃಢ ನಿರ್ಧಾರ ಮಾಡಿದ್ದಾರೆ. ಕಾಲೇಜಿನಲ್ಲಿ ಅಪರಿಚಿತರನ್ನು ಮಾತನಾಡಿಸುತ್ತಾ, ಕಛೇರಿ ಕೊಠಡಿಯೊಳಗೆ ಹೋಗಿ ಬರುತ್ತಿದ್ದಾರೆ. ಸಂಜೆಯಾಯಿತು, ಅಪ್ಪನ ಮುಖದಲ್ಲಿ ವಿಫಲ ಪ್ರಯತ್ನದ ಭಾವನೆ. ನಿರಾಸೆಯಿಂದ ಬೆಂಗಳೂರಿನ ಕಡೆಗೆ ವಾಪಸ್ಸು ಪ್ರಯಾಣ. ಭಾರತಿ ಸಮೂಹ ಸಂಸ್ಥೆಯ ಮತ್ತೊಂದು ಕಾಲೇಜಿನ ಪ್ರಾಂಶುಪಾಲರಾಗಿದ್ದ ಶ್ರೀ. ಹನುಮಪ್ಪ ಸರ್ ಅವರ ಬಗ್ಗೆ ಯಾರಿಂದಲೋ ಮಾಹಿತಿ ಕಲೆಹಾಕಿದ್ದ ಅಪ್ಪ. ಮರುದಿನ ಮುಂಜಾನೆ 4 ಘಂಟೆಗೆ ಎದ್ದು, ಸುಮಾರು 6.30 ರ ವೇಳೆಗೆ ಕೆ.ಎಂ.ದೊಡ್ಡಿ ಯಲ್ಲಿರುವ ಅವರ ಮನೆ ಬಾಗಿಲ ಮುಂದೆ ಕಾದು ನಿಂತಿದ್ದ ನಮ್ಮನ್ನು ಅವರು ಒಳಗೆ ಕರೆದರು. ಅಪ್ಪನು ತಮ್ಮ ಪರಿಚಯ ಮಾಡಿಕೊಂಡರು. ಮಗನನ್ನ...

ನಾ ಕೊಳ್ಳುವ ಮಾಂಸದಂಗಡಿ

- April 02, 2022

" ಮಾಂಸವನ್ನು ನೀನು ಎಲ್ಲಿ ಕೊಳ್ಳುತ್ತೀಯ...? " ಎಂದು ನನ್ನೊಬ್ಬ ಗೆಳೆಯ ನನಗೆ ಕೆಲವು ದಿನಗಳ ಹಿಂದೆ ಪ್ರಶ್ನೆ ಮಾಡಿದ್ದ. ಪ್ರಸ್ತುತ ವಿದ್ಯಮಾನಗಳನ್ನ ಅರಿತವರಿಗೆ ಈ ಪ್ರಶ್ನೆಯನ್ನ ಕೇಳಿದ ಕೂಡಲೇ ಅದರ ಭಾವಾರ್ಥ ತಿಳಿಯುತ್ತದೆ. ಈ ರೀತಿ ಪ್ರಶ್ನೆ ಕೇಳುವವರ ಮನಸ್ಥಿತಿ ಸಹ ಅರ್ಥೈಸಬಹುದು ಕೂಡ. ಅವನಿಗೆ ನನ್ನ ದಿಟ್ಟ ಉತ್ತರ ಹೀಗಿತ್ತು... ಸುಮಾರು ವರ್ಷಗಳಿಂದ ನನಗೆ ಸಮೀಪವಿರುವ ಒಬ್ಬ ಆತ್ಮೀಯ ಮುಸಲ್ಮಾನ ಬಂದು ಅಂಗಡಿಯಲ್ಲೆ ಕೊಳ್ಳುವುದು. ಹಲಾಲ್-ಗಿಲಾಲ್ ಎನ್ನುವುದನ್ನ ಇದುವರೆಗೂ ನೋಡಿಲ್ಲ, ನೋಡುವುದಿಲ್ಲ ಸಹ. ಹಲಾಲ್ ಬಗ್ಗೆ ಸುಮಾರು ವರ್ಷಗಳ ಮುಂಚೆಯೇ ಅರಿವಿದ್ದರು ನನಗೆ ಅದು ಅಸಂಬಂದ ಎಂದು ಹೇಳಿ, ಅವನ ಮರು ಪ್ರಶ್ನೆಗೆ ಆಸ್ಪದ ನೀಡದೆ ಮಾತು ಬದಲಿಸಬೇಕಾಯಿತು. ನಿನ್ನೆಯ ದಿನ ಯುಗಾದಿ ಹಬ್ಬದ ಸಲುವಾಗಿ ಮನೆಗೆ ಹಬ್ಬದ ಸಾಮಾನುಗಳ ಖರೀದಿಗೆ ಹೋಗಿದ್ದೆ. ನಾ ಕೊಳ್ಳುವ ಮಾಂಸದಂಗಡಿಯ ಮುಂದೆ ಸಾಗುವಾಗ ಆ ಅಂಗಡಿಯ ನಾಮಫಲಕ ಬದಲಾವಣೆ ಮಾಡಿ ಸ್ವಲ್ಪ ದೊಡ್ಡದಾಗಿ ಹಾಕಿರುವುದು ಕಣ್ಣಿಗೆ ಬಿತ್ತು. ಆ ಹೊಸ ನಾಮಫಲಕದಲ್ಲಿ ಹಲಾಲ್ ಎಂಬುದು ಎಲ್ಲೂ ಕಾಣಲಿಲ್ಲ. ಇದಕ್ಕೆ ಮುಂಚಿನ ನಾಮಫಲಕ ಸ್ವಲ್ಪ ಹಳೆಯದಿತ್ತು, ಅದರಲ್ಲಿ ಏನು ಬರೆದಿತ್ತು ಎಂಬುದು ಸತ್ಯವಾಗಿಯೂ ಗಮನಿಸಿರಲಿಲ್ಲ. ಮುಂಚಿನ ನಾಮಫಲಕದಲ್ಲಿ ಅವರ ಧರ್ಮದ ಪ್ರಕಾರ ಹಲಾಲ್ ಎಂದು ಉಲ್ಲೇಖವಿತ್ತೋ ಏನೋ, ಅದಕ್ಕಾಗಿಯೇ ಈ ಬದಲಾವಣೆ ಇರಬಹುದು ಅಂದುಕೊಂಡು ಮುಂದೆ ಸಾಗಿದೆ. ನಾಮಫಲಕ ಬದಲಾವಣ...

ಶ್ರೀಮಂತನಾಗಬೇಕಾದರೆ ಹೆಚ್ಚು ವಿದ್ಯಾವಂತನಾಗಬೇಡ.!

- July 11, 2021

ಸಮುದಾಯ ಪ್ರಾಬಲ್ಯದ ಮುಂದೆ ಮಂಡಿಯೂರಿದ ಸಂಗೀತ ಸಾಧನೆ

- November 30, 2021

ಸಂಗೀತದ ಮಹಾಗುರುಗಳು ಎಂದೇ ಖ್ಯಾತಿಯಾಗಿರುವ ನಾದಬ್ರಹ್ಮ ಹಂಸಲೇಖ ಒಂದು ಕಡೆ, ಮತ್ತೊಂದು ಕಡೆ ದಿವಂಗತ ಪೂಜ್ಯ ಪೇಜಾವರ ಶ್ರೀ ಯತಿವರ್ಯರ ಹೆಸರು ಬಳಸಿ ಪಂಗಡದ ಶಕ್ತಿಪ್ರದರ್ಶನ. ಕ್ಷಮೆ ಎಂಬ ಪದಕ್ಕೆ ಅನರ್ಥವಾಗುವಂತೆ ಹಂಸಲೇಖ ರವರ ಮೇಲೆ ಏರುತ್ತಿರುವ ಮಾನಸಿಕೆ ಒತ್ತಡ ಮತ್ತು ವೈಯುಕ್ತಿಕ ತೇಜೋವಧೆ ಮಾಡುತ್ತಿರುವುದು ಖಂಡನೀಯ. ಪೂಜ್ಯ ಪೇಜಾವರ ಶ್ರೀಗಳು ಬದುಕಿದಿದ್ದರೆ ತಮ್ಮ ಪಂಗಡದವರು ಮಾಡುತ್ತಿರುವ ವೈಯುಕ್ತಿಕ ದಾಳಿ ನೋಡಿ ಅವರು ಕೂಡ ಮರುಗುತ್ತಿದ್ದರೋ ಏನೋ. ಶ್ರೀಗಳು ಮೇಲ್ಜಾತಿ-ಕೆಳಜಾತಿ ನಿರ್ಮೂಲನೆ ಮಾಡುವ ದಿಶೆಯಲ್ಲಿ ಪ್ರಯತ್ನ ಪಟ್ಟವರು. ಯಾವುದೇ ವಿಷಯ ಅಥವಾ ಮಾತುಗಳು ಆರೋಗ್ಯಕರ ಚರ್ಚಾಸ್ಪದ ಆಗಿರಬೇಕು ಎಂಬುದು ಶ್ರೀಗಳ ಆಶಯವಿತ್ತು ಕೂಡ. ಹಾಗಾಗಿ, ಅವರ ಸಮೂಹ ವ್ಯಕ್ತಿಗತವಾಗಿ ಗದಪ್ರಹಾರ ಮಾಡುತ್ತಿರುವುದು ಪೇಜಾವರ ಯತಿವರ್ಯರ ಆಶಯಕ್ಕೆ ತದ್ವಿರುದ್ಧವಾಗಿದೆ ಎಂಬುದು ನನ್ನ ಅನಿಸಿಕೆ. ಇವುಗಳ ಮದ್ಯೆ ಸಾಧನೆ/ಸಾಧಕ ಎಂಬುದಕ್ಕೆ ಬೆಲೆಯೇ ಇಲ್ಲದಂತಾಗಿದೆ . ಸುಮಾರು 40 ವರ್ಷಗಳ ಕಾಲ ಶ್ರಮವಹಿಸಿ ಕೋಟ್ಯಾಂತರ ಜನರ ಮನಸ್ಸಿಗೆ ಸಂತೋಷ ಉಣಬಡಿಸುತ್ತಿದ್ದಾರೆ. ಅವರ ಸಂಗೀತ ಕ್ಷೇತ್ರದ ಸಾಧನೆ ಪಂಗಡದ ಪ್ರಾಬಲ್ಯದ ಮುಂದೆ ಶೂನ್ಯವಾಗಿಬಿಟ್ಟಿದೆ ಎಂಬುದು ದುಃಖಕರ ಸಂಗತಿ. ಒಂದು ಕಡೆ ಜಾತಿ-ಪದ್ಧತಿ ನಿರ್ಮೂಲನೆ ಮಾಡಬೇಕು ಎಂಬ ಹೆಬ್ಬಯಕೆ ಕೆಲವರದ್ದು, ಮತ್ತೊಂದು ಕಡೆ ನಮ್ಮ ಜಾತಿ ಬಲವರ್ಧನೆ ಮಾಡಬೇಕು ಎಂಬ ದುರಾಲೋಚನೆ. ಇವುಗಳ ಮದ್ಯೆ ...

Search This Blog

ಅನಿಸಿಕೆ ಅಭಿಪ್ರಾಯ