ಆತಂಕದ ಸಾವು - ನೈಜ ಘಟನೆ

-
ತಾಯಿಗೆ ಆಸರೆಯಾಗಿದ್ದ 28 ವರ್ಷ ವಯಸ್ಸಿನ ಯುವಕ, ಗಟ್ಟಿಮುಟ್ಟಾದ ದೇಹ, ಮುಗ್ಧ ಮನಸ್ಸಿನ ಮಗ ಆತಂಕ ಮತ್ತು ಭಯದಿಂದ ಪ್ರಾಣ ಕಳೆದುಕೊಂಡಿದ್ದಾನೆ. ಜೀವನಕ್ಕೆ ನೆರಳಾಗಿ ಇದ್ದೊಬ್ಬ ಮಗನನ್ನು ಕಳೆದುಕೊಂಡ ಆ ತಾಯಿಯ ಗೋಳು, ಆಕ್ರಂದನ ಭಗವಂತನಿಗೆ ಪ್ರೀತಿ.

ಸಾಯುವ ಕೆಲ ಹೊತ್ತಿನ ಮುಂಚೆ ಭಯದಿಂದ ಬೆವರುತ್ತ ಕ್ಷಣಾರ್ಧದಲ್ಲಿ ತನ್ನ ಬಟ್ಟೆಯೆಲ್ಲ ಒದ್ದೆಯಾಗಿತ್ತು. ಜೊತೆಯಲ್ಲಿದ್ದ ಸ್ನೇಹಿತ "ಹೇಯ್... ನಾನ್ ಇದೀನಿ ಭಯ ಪಡಬೇಡ, ಧೈರ್ಯವಾಗಿರು, ಏನೂ ಆಗೋದಿಲ್ಲ..." ಎಂದು ಅವನ ಕೈ ಗಟ್ಟಿಯಾಗಿ ಹಿಡಿದು ಧೈರ್ಯ ತುಂಬುತ್ತಿದ್ದ.
"ಹಾ... ಧೈರ್ಯವಾಗಿ ಇದೀನಿ..." ಅಂತ ಅವನು ನಿಧಾನವಾಗಿ ಹೇಳುತ್ತಲೇ ಮತ್ತೆ ಬೆವರುತ್ತಿದ್ದ. ನೋಡ ನೋಡುತ್ತಾ ಬಟ್ಟೆ ಜೊತೆಗೆ ತಾನು ಮಲಗಿದ್ದ ಹಾಸಿಗೆ ಸಹ ತನ್ನ ದೇಹದ ಬೆವರಿನಿಂದ ಒದ್ದೆಯಾಗಿತ್ತು. ಕೆಲವೇ ನಿಮಿಷಗಳಲ್ಲಿ ಸ್ನೇಹಿತನ ಕಣ್ಣ ಮುಂದೆಯೇ ಜೀವ ಬಿಟ್ಟ.

ಹಳ್ಳಿಯಲ್ಲಿ ಯಾವುದೇ ದುಶ್ಚಟಗಳಿಗಲ್ಲಿದೆ ತನ್ನ ಪಾಡಿಗೆ ತಾಯಿಯೊಡನೆ ಜೀವನ ಸಾಗಿಸುತ್ತಿದ್ದ ಈತನಿಗೆ ಯಾವುದೇ ಕಾಯಿಲೆ ಇರಲಿಲ್ಲ. ಆದರೆ ಮಾಧ್ಯಮಗಳು ಸೃಷ್ಟಿ ಮಾಡಿದ ಕಾಲ್ಪನಿಕ ಭೂತಕ್ಕೆ ಹೆದರಿ ಇಹಲೋಕ ತ್ಯಜಿಸಿಬಿಟ್ಟಿದ್ದಾನೆ.

ಹೌದು, ಕರೊನ 2ನೇ ಅಲೆ ಎಂಬ ಕಾಲ್ಪನಿಕ ಭೂತದ ಬಗ್ಗೆ TV ಮಾಧ್ಯಮಗಳಲ್ಲಿ ಅಬ್ಬರಿಸುತ್ತಿದ್ದ ಸುದ್ದಿಗಳನ್ನು ಪ್ರತೀ ದಿನ ತಪ್ಪದೆ ಅವನು ನೋಡುತ್ತಿದ್ದ. ಸಾವಿರಾರು ಜನ ಸಾಯುತ್ತಿರುವ ದೃಶ್ಯಗಳನ್ನ ನೋಡಿ ದಿಗಿಲುಗೊಂಡ. ಈತನಿಗೆ ಜ್ವರ, ನೆಗಡಿ, ಕೆಮ್ಮು ಯಾವುದೇ ರೀತಿಯ ಕಾಯಿಲೆ ಇರಲಿಲ್ಲ. ಆದರೂ ಯಾವುದೋ ಮಾಧ್ಯಮ ಸಂದರ್ಶನದಲ್ಲಿ ನೋಡಿ ರಕ್ತದ ಆಮ್ಲಜನಕ ಪತ್ತೆಹಚ್ಚುವ ಮಾಪನವನ್ನು (Pulse Oximeter 👇) ಜೊತೆಯಲ್ಲಿ ಇಟ್ಟುಕೊಂಡ. ಮನೆಯಲ್ಲಿ ಕುಳಿತಾಗ, ತೋಟಕ್ಕೆ ಹೋದಾಗ, ಊರಲ್ಲಿ ನಡೆದಾಡುವಾಗ Oximeter ನ ಬೆರಳ ತುದಿಗೆ ಆಗಾಗ್ಗೆ ಇಟ್ಟುಕೊಂಡು ಆತಂಕಗೊಳ್ಳುತ್ತಿದ್ದ.
ಆತಂಕದಲ್ಲಿದ್ದಾಗ ಸ್ವಲ್ಪ ಏರು ಪೆರು ಕಾಣುವುದು ಸಹಜ. ತಕ್ಷಣ ಉಸಿರಾಟಕ್ಕೆ ತೊಂದರೆ ಆಗುತ್ತಿದೆ ಎಂಬ ಭಾವನೆ ಸ್ವತಃ ಮೂಡಿಸಿಕೊಂಡ, ಭಯದಿಂದ ಬೆವರುತ್ತಾ ಆಸ್ಪತ್ರೆಗೆ ದಾಖಲಾಗಿ ಕೇವಲ 40 ನಿಮಿಷದಲ್ಲಿ ಭಯದಿಂದಲೇ ಬೆವರುತ್ತಾ ಪ್ರಾಣ ಬಿಟ್ಟುಬಿಟ್ಟ.

ಗುಂಡುಕಲ್ಲಿನಂತಿದ್ದ ಆರೋಗ್ಯಕರ ಸದೃಢ ದೇಹ ಹೊಂದಿದ್ದ ಈತನ ಸಾವು ಇಡೀ ಗ್ರಾಮದಲ್ಲಿ ಜೀರ್ಣಿಸಿಕೊಳ್ಳಲಾಗಲಿಲ್ಲ. ಮಾಧ್ಯಮಗಳು ಸೃಷ್ಟಿಸಿದ ಕರೊನ ಹೆಸರಿನ ಭೂತಕ್ಕೆ ಹೆದರಿ ಈ ರೀತಿಯಾಗಿ ಅದೆಷ್ಟೋ ಅಮಾಯಕ ಮುಗ್ಧ ಜೀವಗಳು ಬಲಿಯಾಗಿವೆ ಎಂದನಿಸುತ್ತೆ.

ಜನರಿಗೆ ಅರಿವು ಮೂಡಿಸಬೇಕಾದ ಮಾಧ್ಯಮ ಅಂಗವೇ ಈ ರೀತಿಯಾಗಿ ಆತಂಕ ಸೃಷ್ಟಿಸಿ ಜನರನ್ನು ದಾರಿತಪ್ಪಿಸುತ್ತಿರುವುದು ಸಮಾಜಕ್ಕೆ ಮಾರಕವೇ ಸರಿ. ಈಗಿನ ಕೆಲ ಮಾಧ್ಯಮಗಳು ಮಾಹಿತಿ ಬಿತ್ತರಿಸುವ ವೈಖರಿ ಖಂಡಿತವಾಗಿಯೂ ಬದಲಾಗಬೇಕಿದೆ ಎಂಬುದು ನನ್ನ ಅಭಿಪ್ರಾಯ.


- ರಾಘವೇಂದ್ರ. ಜಿ. ಶ್ರೀರಾಮಯ್ಯ
 9060660060           

Comments

  1. SanthuJanuary 26, 2022 at 10:28 PM

    ಸತ್ಯವಾದ ಮಾತು..... ಇದಕ್ಕೆ ಒಂದೇ ಪರಿಹಾರ ಎಲ್ಲಾ ಖಾಸಗಿ ಸುದ್ದಿವಾಹಿನಿ ನೋಡುವ ಬದಲು ಚಂದನ ನೋಡಿ ಸುಖವಾದ ಜೀವನ ಮಾಡಿ.

    ReplyDelete
  2. Learning In Transit...!January 28, 2022 at 7:38 AM

    From Vijay Aradhya N (FB);

    Nija, sudhi vahini galu madtiro kelsa nea hidu janaregea baya tarisitrodu

    ReplyDelete
  3. Learning In Transit...!January 28, 2022 at 7:40 AM

    From Chethan S (What's App);

    Very sad n shocking..

    ReplyDelete
  4. Learning In Transit...!January 28, 2022 at 7:42 AM

    From Ananth ( What's App);

    Very sad.

    ReplyDelete
  5. Learning In Transit...!January 28, 2022 at 7:43 AM

    From Rajesh ( What's App);

    Tragedy of current situation..😓

    ReplyDelete
  6. Learning In Transit...!January 28, 2022 at 7:44 AM

    From Chandrakala (What's App);

    [26/01, 7:36 pm] Chandrakala Akka: Where it has happened

    [26/01, 7:36 pm] Raghavendra G SriRamaiah: In our village Akka

    [26/01, 7:37 pm] Chandrakala Akka: Oh... very sad

    ReplyDelete

Post a Comment

ನಿಮ್ಮ ಅನಿಸಿಕೆ ಅಭಿಪ್ರಾಯ ಇಲ್ಲಿ ಬರೆಯಿರಿ

Popular posts

ಸೂತಕದಲ್ಲಿ ಸಡಗರದ ರಾಜ್ಯೋತ್ಸವ ಬೇಡ

-
Image
ಬೆಟ್ಟದಷ್ಟು ಆಸೆ ಹೊಂದಿದ್ದ ಅಪ್ಪು ರವರು ಸಾಯುವ ಹಿಂದಿನ ದಿನ ಅವರೇ ಹೇಳಿದ್ದರು - ಈ ಬಾರಿಯ ಕರ್ನಾಟಕ ರಾಜ್ಯೋತ್ಸವ ಕ್ಕೆ ಒಂದು ಒಳ್ಳೆಯ ಸುದ್ದಿ ಕೊಡ್ತೀನಿ ಅಂತ. ಇದೇನಾ ಒಳ್ಳೆ ಸುದ್ದಿ...? ರಾಜ್ಯದ ಮನೆ-ಮಗನಂತೆ ಇದ್ದ ಪ್ರೀತಿಯ ಅಪ್ಪು ಇನ್ನಿಲ್ಲ ಎಂಬ ಬರಸಿಡಿಲ ಸುದ್ದಿ ತಿಳಿದು ಸೂತಕದ ಛಾಯೆ ಆವರಿಸಿದೆ. ಇಂತಹ ಪರಿಸ್ಥಿತಿಯಲ್ಲಿ ರಾಜ್ಯದ ಏಕೀಕರಣ ಸಂಭ್ರಮ ಸಡಗರದಿಂದ ಆಚರಿಸಲು ಹೇಗೆ ಸಾಧ್ಯ ಹೇಳಿ? TV ನೋಡುತ್ತಾ ಕೋಟ್ಯಾಂತರ ಜನ ಕಣ್ಣೀರು ಸುರಿಸುತ್ತಿದ್ದಾರೆ. ಈ ದುಃಖದ ಕ್ಷಣದಲ್ಲಿ ಹೆಚ್ಚು ಬರೆಯಲು ಆಗುತ್ತಿಲ್ಲ. ರಾಜ್ಯದ ದೊಡ್ಮನೆಯ ರಾಜ'ಕುಮಾರ' ಪ್ರೀತಿಯ ಅಪ್ಪು ನೆನಪಿಗಾಗಿ ಈ website ನ ಹೆಸರು ಬದಲಿಸುವ ಮೂಲಕ ಅವರ ಆತ್ಮಕ್ಕೆ ಶಾಂತಿ ಕೋರಿ, ಗೌರವ ಸಮರ್ಪಣೆ ಮಾಡುತ್ತಿದ್ದೇನೆ.       ಓಂ ಶಾಂತಿ 🙏     ಅಪ್ಪು ಚಿರಾಯು  🙏 - ರಾಘವೇಂದ್ರ. ಜಿ. ಶ್ರೀರಾಮಯ್ಯ 9060660060             For more articles, follow us on FB:
Read more

ಶ್ರೀಮಂತನಾಗಬೇಕಾದರೆ ಹೆಚ್ಚು ವಿದ್ಯಾವಂತನಾಗಬೇಡ.!

-
Image
  ಅಚ್ಚರಿ ಅನ್ನಿಸುತ್ತೆ ಅಲ್ವಾ…! ಒಮ್ಮೆ ಕಣ್ಣು ಮುಚ್ಚಿ ನಿಮಗೆ ಗೊತ್ತಿರುವ ನಿಮ್ಮ ಸುತ್ತಮುತ್ತಲಿನ " ಆಗರ್ಭ ಶ್ರೀಮಂತ " ಕುಟುಂಬಗಳನ್ನ ನೆನಪಿಸಿಕೊಳ್ಳುತ್ತಾ ಬನ್ನಿ. ಬೆರಳೆಣಿಕೆಯಷ್ಟು ಮಾತ್ರ ಸಿಗ್ತಾರೆ ನೋಡಿ. ಖಚಿತವಾಗಿಯೂ ಆ ಶ್ರೀಮಂತಿಕೆ ಅವರ ವಿದ್ಯಾರ್ಹತೆ ಯಿಂದ ಬಂದಿರೋದಿಲ್ಲ. ಆ ಶ್ರೀಮಂತಿಕೆ ಒಂದು ಅವರ ಸಾಮಾನ್ಯ ಜ್ಞಾನದ ಪರಿಶ್ರಮ ಅಥವಾ ಅವರ ಹಿಂದಿನ ಪೀಳಿಗೆಯಿಂದ ಕೊಡುಗೆ ಯಾಗಿ ಬಂದಿರುತ್ತೆ. ಯಾವುದೇ ವಿದ್ಯಾವಂತ ವ್ಯಕ್ತಿ ತನ್ನ ವಿದ್ಯಾರ್ಹತೆ ಆದಾರದಿಂದ ಹೆಚ್ಚು ಅಂದರೆ "ಸುಖೀ-ಜೀವನ " (Luxury & Happy Life) ನಡೆಸಬಹುದು ಅಷ್ಟೇ. ಅಂದರೆ ಅಗತ್ಯ ವಸ್ತುಗಳ ಖರೀದಿಸುವ ಶಕ್ತಿ, ಒಂದು ಕಾರು, ಒಂದು ಮನೆ, ಕೊನೆಗೆ ಒಂದಿಷ್ಟು ಉಳಿತಾಯ (Savings). "ಅಮೆರಿಕಾ-ಅಮೆರಿಕಾ" ಚಲನಚಿತ್ರ ದಲ್ಲಿ 'ಭೂಮಿ' ಪಾತ್ರ ಮಾಡಿರುವ ನಟಿ ಒಂದು ಮಾತು ಹೇಳ್ತಾರೆ ನೋಡಿ ಪಾತ್ರ- ನಟ 'ಸೂರ್ಯ' ಗೆ - "ವ್ಯವಸ್ಥೆಯು ಪ್ರಾಪಂಚಿಕ ಸೌಕರ್ಯಗಳನ್ನು ಜನರಿಗೆ ಕೊಟ್ಟು ಸುಖವಾಗಿ ಇರಿಸುತ್ತೆ. ಕೆಲವು ವ್ಯಕ್ತಿಗಳು ಸುಖವನೆಲ್ಲ ನಾನೇ ಸಂಪಾದಿಸಿದ್ದು ಅಂದುಕೊಳ್ತಾರೆ. ಆದರೆ, ಈ ಸುಖವೆನ್ನೆಲ್ಲ ವ್ಯವಸ್ಥೆ ಕೊಟ್ಟಿದ್ದು ಅಷ್ಟೇ."  ಅದ್ಭುತ ಮಾತುಗಳು.! ಹೌದು - ವಿದ್ಯಾವಂತ ವೃತ್ತಿಪರ ವ್ಯಕ್ತಿಗಳು Loan, Credit-Card ಎಂಬ ವ್ಯವಸ್ಥೆಯನ್ನು ಸದ್ಬಳಕೆ ಮಾಡಿಕೊಂಡು ಕಾರು, ಮನೆ,
Read more

ಸಮುದಾಯ ಪ್ರಾಬಲ್ಯದ ಮುಂದೆ ಮಂಡಿಯೂರಿದ ಸಂಗೀತ ಸಾಧನೆ

-
Image
ಸಂಗೀತದ ಮಹಾಗುರುಗಳು ಎಂದೇ ಖ್ಯಾತಿಯಾಗಿರುವ ನಾದಬ್ರಹ್ಮ ಹಂಸಲೇಖ ಒಂದು ಕಡೆ, ಮತ್ತೊಂದು ಕಡೆ ದಿವಂಗತ ಪೂಜ್ಯ ಪೇಜಾವರ ಶ್ರೀ ಯತಿವರ್ಯರ ಹೆಸರು ಬಳಸಿ ಪಂಗಡದ ಶಕ್ತಿಪ್ರದರ್ಶನ. ಕ್ಷಮೆ ಎಂಬ ಪದಕ್ಕೆ ಅನರ್ಥವಾಗುವಂತೆ  ಹಂಸಲೇಖ ರವರ ಮೇಲೆ ಏರುತ್ತಿರುವ ಮಾನಸಿಕೆ ಒತ್ತಡ ಮತ್ತು ವೈಯುಕ್ತಿಕ ತೇಜೋವಧೆ ಮಾಡುತ್ತಿರುವುದು ಖಂಡನೀಯ. ಪೂಜ್ಯ ಪೇಜಾವರ ಶ್ರೀಗಳು ಬದುಕಿದಿದ್ದರೆ ತಮ್ಮ ಪಂಗಡದವರು ಮಾಡುತ್ತಿರುವ ವೈಯುಕ್ತಿಕ ದಾಳಿ ನೋಡಿ ಅವರು ಕೂಡ ಮರುಗುತ್ತಿದ್ದರೋ ಏನೋ.  ಶ್ರೀಗಳು ಮೇಲ್ಜಾತಿ-ಕೆಳಜಾತಿ ನಿರ್ಮೂಲನೆ ಮಾಡುವ ದಿಶೆಯಲ್ಲಿ ಪ್ರಯತ್ನ ಪಟ್ಟವರು. ಯಾವುದೇ ವಿಷಯ ಅಥವಾ ಮಾತುಗಳು ಆರೋಗ್ಯಕರ ಚರ್ಚಾಸ್ಪದ ಆಗಿರಬೇಕು ಎಂಬುದು ಶ್ರೀಗಳ ಆಶಯವಿತ್ತು ಕೂಡ. ಹಾಗಾಗಿ, ಅವರ ಸಮೂಹ ವ್ಯಕ್ತಿಗತವಾಗಿ ಗದಪ್ರಹಾರ ಮಾಡುತ್ತಿರುವುದು ಪೇಜಾವರ ಯತಿವರ್ಯರ ಆಶಯಕ್ಕೆ ತದ್ವಿರುದ್ಧವಾಗಿದೆ ಎಂಬುದು ನನ್ನ ಅನಿಸಿಕೆ. ಇವುಗಳ ಮದ್ಯೆ ಸಾಧನೆ/ಸಾಧಕ ಎಂಬುದಕ್ಕೆ ಬೆಲೆಯೇ ಇಲ್ಲದಂತಾಗಿದೆ . ಸುಮಾರು 40 ವರ್ಷಗಳ ಕಾಲ ಶ್ರಮವಹಿಸಿ ಕೋಟ್ಯಾಂತರ ಜನರ ಮನಸ್ಸಿಗೆ ಸಂತೋಷ ಉಣಬಡಿಸುತ್ತಿದ್ದಾರೆ. ಅವರ ಸಂಗೀತ ಕ್ಷೇತ್ರದ ಸಾಧನೆ ಪಂಗಡದ ಪ್ರಾಬಲ್ಯದ ಮುಂದೆ ಶೂನ್ಯವಾಗಿಬಿಟ್ಟಿದೆ ಎಂಬುದು ದುಃಖಕರ ಸಂಗತಿ. ಒಂದು ಕಡೆ ಜಾತಿ-ಪದ್ಧತಿ ನಿರ್ಮೂಲನೆ ಮಾಡಬೇಕು ಎಂಬ ಹೆಬ್ಬಯಕೆ ಕೆಲವರದ್ದು, ಮತ್ತೊಂದು ಕಡೆ ನಮ್ಮ ಜಾತಿ ಬಲವರ್ಧನೆ ಮಾಡಬೇಕು ಎಂಬ ದುರಾಲೋಚನೆ. ಇವುಗಳ ಮದ್ಯೆ ಒದ್ದಾಡುತ್
Read more

1 ಲಕ್ಷ ರೂಪಾಯಿ ಒಂದು ಕೋಟಿ ಆಯಿತು.!

-
Image
ನನ್ನ ಗ್ರಾಮದ ಒಬ್ಬ ಯುವಕ ದೊಡ್ಡಬಳ್ಳಾಪುರ ಸಮೀಪದ ಕಾರ್ಖಾನೆಯಲ್ಲಿ ಕೆಲಸಕ್ಕೆಂದು ಪ್ರತೀ ದಿನ 15 ಕಿಲೋಮೀಟರ್ ಸೈಕಲ್ ತುಳಿದು 🚴 ಓಡಾಡುತ್ತಿದ್ದ. ಇವನ ಜೊತೆ ಆಂಧ್ರ ಪ್ರದೇಶ ಮೂಲದ ಒಬ್ಬ ಯುವಕ ಸಹ ಕೆಲಸ ಮಾಡುತ್ತಿದ್ದ. ಕೈಗೆ ಬರುತ್ತಿದ್ದ ಸಂಬಳದಲ್ಲಿ ಇಬ್ಬರು ಮಾತನಾಡಿಕೊಂಡು ಒಂದು ಲಕ್ಷ ರೂಪಾಯಿ ಮೊತ್ತದ "ಚೀಟಿ" (ಒಂದು ರೀತಿಯ ಉಳಿತಾಯ ಯೋಜನೆಗೆ) ಕಟ್ಟುತ್ತಿದ್ದರು. ಚೀಟಿ ಮುಗಿಯುತ್ತಿದ್ದಂತೆ ಇಬ್ಬರ ಕೈಗೆ ತಲಾ 1 ಲಕ್ಷ ರೂಪಾಯಿ ಬಂತು. ನಮ್ಮೂರಿನ ಯುವಕ ಪ್ರತೀ ದಿನ ಸೈಕಲ್ ನಲ್ಲಿ ಓಡಾಡಿ ಸಾಕಾಗಿದೆ ಅಂದುಕೊಂಡು Hero-Honda Passion ಬೈಕ್ ಖರೀದಿಸಿ ತನ್ನ " ಪರಿಶ್ರಮದಿಂದ ತೆಗೆದುಕೊಂಡ ಬೈಕು " ಎಂದು ಹೆಮ್ಮೆಯಿಂದ ಬೈಕ್ ನಲ್ಲಿ ಕೆಲಸಕ್ಕೆ ಓಡಾಡುತ್ತಿದ್ದ. ಇವನ ಸಹೋದ್ಯೋಗಿ ಕಾರ್ಖಾನೆಯ ಸಮೀಪದಲ್ಲಿ ಒಂದು ಚಿಕ್ಕ ಮನೆ ಮಾಡಿ ನಡೆದುಕೊಂಡು🚶 ಓಡಾಡುತ್ತಿದ್ದ. ಚೀಟಿಯಿಂದ ಬಂದ 1 ಲಕ್ಷದ ಮೊತ್ತದ ಜೊತೆಗೆ ಇನ್ನು 20 ಸಾವಿರ ಹೇಗೋ ಕೂಡಿಸಿ, ಸ್ಥಳೀಯ ಇನ್ನೊಬ್ಬ ಸ್ನೇಹಿತನ ಸಹಾಯ ಪಡೆದು ಕಾರ್ಖಾನೆ ಪಕ್ಕದ ಊರಿನಲ್ಲಿ ಒಂದು ಖಾಲಿ ನಿವೇಶನ (Site) ಖರೀದಿಸಿದ. ಕೆಲವೇ ವರ್ಷಗಲ್ಲಿ ಕಾರ್ಖಾನೆ ಸುತ್ತಮುತ್ತಲಿನ ಪ್ರದೇಶಗಳು ಶರವೇಗದಲ್ಲಿ ಪ್ರಗತಿ ಕಂಡಿತು. ಈತ ಖರೀದಿಸಿದ್ದ ನಿವೇಶನಕ್ಕೆ ಬಾರಿ ಬೆಲೆ ಬಂತು. ಕೂಡಲೇ ಅದನ್ನ ಹೆಚ್ಚಿನ ಬೆಲೆಗೆ ಮಾರಾಟ ಮಾಡಿ ಕಡಿಮೆ ಬೆಲೆಯ 2 ಖಾಲಿ ನಿವೇಶನ ಖರೀದಿಸಿದ. ಇದೇ ರೀತಿ ಮಾಡಿ ಕ
Read more

ಮನೋಜ್ಞ ಮಾದರಿ

-
Image
ಸಾಧನೆಯೆಂಪಥದಲ್ಲಿ ನಡೆಯ ಬಯಸೆಂಬುವರ ತಡೆವವರಾರು.! ಒಬ್ಬ ಮಹಿಳೆಗೆ ಸಾಮಾನ್ಯವಾಗಿ ತನ್ನ ಸಾಂಸಾರಿಕ ಜಂಜಾಟಗಳ ನಡುವೆ ಯಾವುದಾದರು ಒಂದು ವೃತ್ತಿ ಕ್ಷೇತ್ರದಲ್ಲಿ ಕೆಲಸ ಮಾಡುವುದೇ ಕಷ್ಟವೆನ್ನಿಸಬಹುದು. ಇವುಗಳ ಜೊತೆಗೆ ಬಾಲ್ಯದಿಂದ ತಾ ಬಯಸಿದ ಮಗದೊಂದು ಕ್ಷೇತ್ರದಲ್ಲಿಯೂ ಸಹ ಉತ್ತುಂಗ ಸಾಧನೆಯತ್ತ ದಾಪುಗಾಲು ಹಾಕುವುದೆಂದರೆ ಅಸಾಮಾನ್ಯವೇ. ಮನೋಜ್ಞ ಹೌದು, ಮನೋಜ್ಞ ನೃತ್ಯ ಕಲಾ ಅಕಾಡೆಮಿ ಎಂಬ ಸಂಸ್ಥೆಯನ್ನು ಯಶಸ್ವಿಯಾಗಿ ನಡೆಸುತ್ತಿರುವ  ವಿದುಷಿ ಮಾನಸ ಮನುಮೋಹನ್ ರವರು ಭರತನಾಟ್ಯ ಕ್ಷೇತ್ರದಲ್ಲಿ ಸಾಧನೆಯತ್ತ ಮುಖ ಮಾಡಿದ್ದಾರೆ ಎಂದನಿಸುತ್ತೆ.  ಮನೋಜ್ಞ ದೈನಂದಿನ ಜೀವನದ ಕೆಲಸ ಕಾರ್ಯಗಳಿಗೆ ಯಾರೊಬ್ಬರ ಸಹಾಯವೂ ಬಳಸದೆ ಮನೆ-ಮಕ್ಕಳ ಕೆಲಸಗಳನ್ನು ಸ್ವತಃ ಪತಿ-ಪತ್ನಿಯೇ ನಿಭಾಯಿಸಿ, ಕಾಲೇಜಿನಲ್ಲಿ ಸಹಾಯಕ ಪ್ರಾಧ್ಯಾಪಕಿ ವೃತ್ತಿ ಮುಗಿಸಿ, ನಂತರ ಸಂಜೆ ವೇಳೆಗೆ ತನ್ನ ಬಹು ನೆಚ್ಚಿನ ಭರತನಾಟ್ಯದ ಎರಡು ಶಾಲೆಗಳಲ್ಲಿ ನೂರಾರು ಹೆಣ್ಣು ಮಕ್ಕಳಿಗೆ ಭರತನಾಟ್ಯ ಕಲೆಯ ತರಬೇತಿ ನೀಡುತ್ತಿದ್ದಾರೆ. ಇವೆಲ್ಲವುಗಳ ನಡುವೆ ಪಿ.ಎಚ್.ಡಿ ಪದವಿಗೆ ತಯಾರಿ ಮಾಡಿಕೊಳ್ಳುವುದು. ಇಷ್ಟೆಲ್ಲವನ್ನೂ ಇವರು ನಿಭಾಯಿಸುವ ರೀತಿ ಕೇಳಿದರೆ ಯಾರಿಗೆ ಆಗಲಿ ಆಶ್ಚರ್ಯ ಅನ್ನಿಸುತ್ತದೆ. ಇವರ ಲವಲವಿಕೆಯ ಕಾರ್ಯವೈಖರಿಗಳನ್ನ ನೋಡಿದರೆ ಪಾದರಸವನ್ನೂ ಮೀರಿಸುವಂತಿದೆ ಹಾಗೂ ಇವರ ನಿರಾಯಾಸ ಬದುಕು ಬೇರೊಬ್ಬರಿಗೆ ಮಾದರಿಯೇ ಸರಿ. ಮನೋಜ್ಞ ಮನೋಜ್ಞ ಪದದ ಭಾವಾರ್ಥ ತುಂಬುವ ಚಿಕ್ಕ ಸಾಕ್ಷಿ
Read more

ಅಪ್ಪಾ... Ex-MP ಎಂದರೇನು?

-
Image
ಅಪ್ಪಾ... Ex-MP ಎಂದರೇನು? ಈ ಪ್ರಶ್ನೆ ಕೇಳಿದ್ದು ನಾನೇ.  ನಾನು PUC ವ್ಯಾಸಂಗ ಮಾಡಿದ್ದು " ಭಾರತಿ ವಸತಿ ಸಂಯುಕ್ತ ಪದವಿಪೂರ್ವ ಕಾಲೇಜು ", ಹನುಮಂತನಗರ, ಮಂಡ್ಯ ಜಿಲ್ಲೆ. ಈ ಕಾಲೇಜು ಮಾನ್ಯ ಜಿ.ಮಾದೇಗೌಡ ರು ಕಟ್ಟಿ ಬೆಳೆಸಿದ ವಿದ್ಯಾಸಂಸ್ಥೆಗಳಲ್ಲಿ ಒಂದು. ನಮ್ಮ ಕಾಲೇಜಿನ ಮುಖ್ಯದ್ವಾರದ ಬಳಿ ಜಿ.ಮಾದೇಗೌಡರ ಕಿರು ಪರಿಚಯದ ಭಾವಚಿತ್ರ ಇತ್ತು, ಅದರ ಕೆಳಗೆ "Ex-MP" ಎಂದು ಬರೆದಿತ್ತು.  ಸತ್ಯವಾಗಲು Ex-MP ಏನು ಅಂತ ಗೊತ್ತಿರಲಿಲ್ಲ.  ನನಗೆ ಗೊತ್ತಿದ್ದಿದ್ದು ಇಷ್ಟೇ ಅವರು ಈ ಕಾಲೇಜಿನ ಛೇರ್ಮನ್ ಸರ್ ಎಂದು. ಸಂಸ್ಥೆಯ ಅಧ್ಯಕ್ಷರಾಗಿದ್ದ G. ಮಾದೇಗೌಡರು ಆಗಾಗ ಸಂಜೆ ಸಮಯಲ್ಲಿ ಕಾಲೇಜಿನ ಕಚೇರಿಗೆ ಬರುತ್ತಿದ್ದರು. ಅವರು ಬಂದಾಗ ಎಲ್ಲರ ಬಾಯಲ್ಲೂ ಗುಸುಗುಸು ಮಾತು " ಛೇರ್ಮನ್ ಸರ್ ಬಂದಿದ್ದಾರಂತೆ" ಎಂಬ ಮೌಖಿಕ ಸಂದೇಶ ಎಲ್ಲಾ ರೂಮ್ ಗಳಿಗೂ ಬರುತ್ತಿತ್ತು. ಅದರರ್ಥ "ನಿಶ್ಯಬ್ದವಾಗಿರಬೇಕು - Pin Drop Silence " , ಕಾಲೇಜಿನ ಆವರಣದಲ್ಲಿ ಅನಾವಶ್ಯಕವಾಗಿ ಓಡಾಡಬಾರದು, ಕಿರುಚಾಡಬಾರದು. ಹಾಸ್ಟೆಲ್ ನ ನಿಯಮದ ಪ್ರಕಾರ ಪ್ರತೀ ದಿನ ಸಂಜೆ 5 ರಿಂದ 6 ಘಂಟೆಯವರೆಗೆ ಆಟದ ಸಮಯ. ಎಲ್ಲಾ ವಿದ್ಯಾರ್ಥಿಗಳು ಹಾಸ್ಟೆಲ್ ನಲ್ಲಿ ಕೊಟ್ಟಿದ್ದ ಹಳದಿ Jersey , ಕೆಂಪು ಚಡ್ಡಿ ಮತ್ತು ಶೂ ಧರಿಸಿ ಬೆಲ್ ಒಡೆದ ತಕ್ಷಣ ಕಡ್ಡಾಯವಾಗಿ ಆಟದ ಮೈದಾನಕ್ಕೆ (ಸ್ಟೇಡಿಯಂ ಗೆ) ಸಾಲಾಗಿ ತೆರಳಬೇಕು. ಆಟದ ಮೈದಾನಕ್ಕೆ ಹ
Read more

ಅಸಲಿ ರೈತ, ನಕಲಿ ಪ್ರೀತಿ.!

-
Image
ನಕಲಿ ರೈತರು...!?  - ಈ ಮಾತು ಇತ್ತೀಚೆಗೆ ತುಂಬಾ ಪ್ರಚಲಿತದಲ್ಲಿ ಇತ್ತು. ಒಂದು ವರ್ಷದಿಂದ ನಿರಂತರವಾಗಿ ನಡೆಯುತ್ತಿರುವ ರೈತರ ಪ್ರತಿಭಟನೆಗೆ ರಾಜಕೀಯ ಬಣ್ಣ ಬಳೆದು " ಪ್ರತಿಭಟನೆ ಮಾಡುತ್ತಿರುವವರು ನಕಲಿ ರೈತರು " ಎಂದು ಸರ್ಕಾರದ ಪ್ರತಿನಿಧಿಗಳೇ ಹೇಳಿದ್ದರು. ನಿನ್ನೆಯ ದಿನ ದೇಶದ ಪ್ರಧಾನಿಯೇ ಬಂದು ರೈತರ ಕ್ಷಮೆಯಾಚಿಸಿ ಕಾಯ್ದೆಗಳನ್ನ ವಾಪಸ್ ಪಡೆಯುತ್ತಿದ್ದೇವೆ ಎಂದು ಹೇಳಿದ್ದಾರೆ. ಅವರು ಹೇಳಿದ ಪ್ರಕಾರ " ಕಾಯ್ದೆಗಳು ಮಾಡಿದ್ದು ರೈತರ ಉದ್ದಾರಕ್ಕಾಗಿ, ಆದರೆ ಹಿಂಪಡೆಯುತ್ತಿರುವುದು ದೇಶಕ್ಕಾಗಿ ' - ಈ ಮಾತನ್ನು ಹೇಗೆ ವ್ಯಾಖ್ಯಾನಿಸಬೇಕು? ರೈತರ ಉದ್ದಾರಕ್ಕೆಂದೇ ಮಾಡಿದ್ದ ಕಾಯ್ದೆಗಳು ಅಂದಮೇಲೆ ವಾಪಸ್ ಪಡೆಯುವ ಬದಲು, ಲೋಪವಿದ್ದ ಕೆಲವು ಕಾನೂನುಗಳನ್ನು ಸರಿಪಡಿಸಲಿಲ್ಲವೇಕೆ? ನಿಮ್ಮ ಪ್ರಕಾರ ಕಾಯ್ದೆಗಳನ್ನ ವಿರೋಧ ಮಾಡುತ್ತಿರೋದು ಕೇವಲ 1% ನಕಲಿ ರೈತರು ಮಾತ್ರ. ಹಾಗಿದ್ದರೆ, 99% ಅಸಲಿ ರೈತರ ಬೆಂಬಲ ನಿಮಗೆ ಸಿಗುತ್ತದೆ ಎಂಬ ಭರವಸೆ ಮೂಡಲಿಲ್ಲವೇಕೆ? ಸತ್ಯವಾಗಿಯೂ ಅದು ನಕಲಿ ರೈತರ ಹೋರಾಟವೇ ಎಂದು ತಮಗೆ ಖಾತ್ರಿಯಾಗಿದ್ದಲ್ಲಿ ಆ ಕೆಲವೇ ನಕಲಿಯರ ಹೋರಾಟವನ್ನು ಹತ್ತಿಕ್ಕಲು ಸಾಧ್ಯವಾಗಿಲ್ಲವೇಕೆ? ಈ ಹೋರಾಟದಲ್ಲಿ 700 ಬಡ ರೈತರು ಮೃತಪಟ್ಟಿದ್ದಾರೆ ಅಲ್ವಾ, ಇವರಲ್ಲಿ ಎಷ್ಟು ನಕಲಿ ರೈತರಿದ್ದಾರೆ ತೋರಿಸಿ ನೋಡೋಣ? ನಮ್ಮ ಗ್ರಾಮದಿಂದಲೂ ಬೇಸಾಯ ಮಾಡುವ ರೈತರು ಹಲವಾರು ಬಾರಿ ಈ ಹೋರಾಟದಲ್ಲಿ ಭಾಗವಹಿಸಿದ್ದರು. ಇವರೆನ್
Read more

ರೈತರೆಲ್ಲ ಶ್ರೀಮಂತರಾಗುತ್ತಾರಂತೆ.!

-
Image
ಬಹಳ ಚಿರಪರಿಚಿತ ಇರುವ ಒಬ್ಬ ವಿದ್ಯಾವಂತ ವ್ಯಕ್ತಿ ನನಗೆ ಹೇಳಿದ ಮಾತು - " ರಾಘು, ಸುಮಾರು 70 ವರ್ಷಗಳಿಂದ ದೇಶದ ರೈತರು ಬಡವರಾಗಿಯೇ ಉಳಿದಿದ್ದಾರೆ. ಎಷ್ಟೊಂದು ರೈತರು ಆತ್ಮಹತ್ಯೆ ಮಾಡಿಕೊಳ್ತಾ ಇದ್ದಾರೆ. ಕೇಂದ್ರ ಸರ್ಕಾರದ ಈ ಹೊಸ ಕಾಯ್ದೆಗಳು ಜಾರಿ ಆದ ಮೇಲೆ ರೈತರ ಜೀವನವೇ ಬದಲಾಗಿ ಬಿಡುತ್ತೆ, ಗೊತ್ತಾ... " ಎಂದರು. ಕಣ್ಣು ಉಬ್ಬೇರಿಸಿ... ಮುಗುಳ್ನಕ್ಕಿ ಸುಮ್ಮನಾದೆ. ಏಕೆಂದರೆ ಈತನೂ ಸಹ __ __ಯವರ ಅಂಧ-ಭಕ್ತ. ಈ ಕೆಲ ಅಂಧ-ಭಕ್ತರ ಕಣ್ಣಿಗೆ ತಮ್ಮ ಪಕ್ಷದ ರಾಜಕಾರಣಿಗಳು ಯಾವುದೇ ಕಾಯ್ದೆ/ಕಾನೂನು ತಂದರು ಎಲ್ಲವೂ ನೂರಕ್ಕೆ ನೂರರಷ್ಟು ಸರಿಯೇ ಇರುತ್ತೆ, ಇದನ್ನ ಒಪ್ಪದಿದ್ದವರೆಲ್ಲ " ನಕಲಿ ರೈತರು " ಅಥವಾ " ವಿರೋಧ ಪಕ್ಷದವರು " ಎಂಬ ಭಾವನೆ ಅವರದಿರುತ್ತೆ. ಬಾಲ್ಯದ ನೆನಪು - ನಮ್ಮ ತೋಟದಲ್ಲಿ ಬೆಳೆಯುತ್ತಿದ್ದ ತರಕಾರಿಗಳನ್ನ ಬೆಳಿಗ್ಗೆಯಿಂದ ಸಂಜೆಯವರೆಗೆ ಕಿತ್ತು ಮೂಟೆಗಳಲ್ಲಿ ತುಂಬಿ ಸಂಜೆ 6-7 ಗಂಟೆ ಅಷ್ಟರಲ್ಲಿ ಒಂದು ಟೆಂಪೋ ದಲ್ಲಿ ತುಂಬಿಕೊಂಡು ನಮ್ಮ ಹೆಮ್ಮೆಯ ಬೆಂಗಳೂರಿನ ಲಾಲ್-ಬಾಗ್ ಮಾರುಕಟ್ಟೆಗೆ ಹಾಕ್ಕೊಂಡು ಬರುತ್ತಿದ್ದೆವು. ಕೆಲವೊಮ್ಮೆ ಹಠಮಾಡಿ ಜೊತೆಯಲ್ಲಿ ನಾನು ಹೋಗುತ್ತಿದ್ದೆ. ಆ ತರಕಾರಿ ಮೂಟೆಗಳ ಮೇಲೆ ಕುಳಿತು/ಮಲಗಿಕೊಂಡು, ಅರ್ಧ ದಾರಿಯಲ್ಲಿ ಯಾವುದಾರು ಒಂದು ಧಾಬಾ ದಲ್ಲಿ ಊಟ ಮಾಡಿ, ಮತ್ತೆ ಮಧ್ಯ ರಾತ್ರಿ ಲಾಲ್-ಬಾಗ್ ಸಮೀಪ ಸರ್ಕಲ್ ನಲ್ಲಿ ಟೀ-ಬನ್ನು ತಿನ್ನುತ್ತಾ ಕಾಲ ಕಳೆಯೋದ
Read more

ಸಾರ್ಥಕ ನಿವಾಸ

-
Image
ದಂಪತಿ ಮತ್ತು ಇಬ್ಬರು ಪುಟ್ಟ ಮಕ್ಕಳನ್ನು ಕೂಡಿದ್ದ ಚಿಕ್ಕ ಸಂಸಾರವದು. ಕಡು ಬಡತನದ ಬೇಗುದಿಯಲ್ಲಿ ಬೆಂದೆದ್ದು ಹಾಗೋ ಹೀಗೋ ಸಾಗುತ್ತಿದ್ದ ಜೀವನ. ಸಂಸಾರದ ಅತ್ಯಲ್ಪ ಅವಧಿಯಲ್ಲಿ ಪತಿಯ ಅಕಾಲಿಕ ಮರಣವೆಂಬ ಆಘಾತ. ಪರಿಣಾಮ, ತನ್ನೆರೆಡು ಚಿಕ್ಕ ಮಕ್ಕಳ ಪೋಷಣೆಯ ಸಂಪೂರ್ಣ ಜವಾಬ್ಧಾರಿ ತಾಯಿಯ ಹೆಗಲೇರಿತು. ಸ್ವಂತ ಮನೆಯಿಲ್ಲ, ನನ್ನವರು ತನ್ನವರು ಎಂಬುವರಿಲ್ಲ, ಕಷ್ಟ ಕಾರ್ಪಣ್ಯಗಳ ಸಾಲು ಸಾಲು ಸರಮಾಲೆ. ಬಾಲ್ಯದಲ್ಲಿ ಬೇಕು-ಬೇಡಗಳ ಬಯಕೆಗಳನ್ನು ಬದಿಗಿರಿಸಿ ಬದುಕುತ್ತಿದ್ದ ಮಕ್ಕಳು ಒಂದು ಕಡೆ. ಹೇಗೋ ಕಷ್ಟ ಪಟ್ಟು ಮಕ್ಕಳನ್ನ ಎದೆ ಎತ್ತರಕ್ಕೆ ಬೆಳೆಸಿ, ಅವಶ್ಯಕ ವಿದ್ಯಾಭ್ಯಾಸದ ಅನುವು ಮಾಡಿ, ಮಗಳ ಮದುವೆ ಮತ್ತು ಮಗನಿಗೆ ಜೀವನ ಮಾರ್ಗ ತೋರಿಸಿಕೊಟ್ಟ ತಾಯಿಯ ಶ್ರಮ ಮೆಚ್ಚಲೇಬೇಕು. ಮಗ ಒಳ್ಳೆಯ ಕೆಲಸಕ್ಕೆ ಸೇರಿ ತನ್ನ ಕಾಲ ಮೇಲೆ ತಾನು ನಿಲ್ಲುವಂತಾದರೆ ಸಾಕು ಎಂಬ ಹಿತ ಹಾರೈಕೆಯ ನಿಸ್ವಾರ್ಥ ಆಶಯ ಮಾತ್ರ ಆ ತಾಯಿಯದು. ಮತ್ತೊಂದೆಡೆ, " ಸ್ವಂತ ಮನೆ " ಎಂಬ ಗುಲಗಂಜಿ ಆಸೆ ಅಥವಾ ಕಲ್ಪನೆಯೂ ಇಲ್ಲದ ತನ್ನ ತಾಯಿ ಸಣ್ಣ ಪುಟ್ಟ ಬಾಡಿಗೆ ಮನೆಗಳಲ್ಲಿಯೇ ಜೀವನದ ಬಂಡಿ ಸಾಗಿಸಿದ ದೃಶ್ಯ ಮತ್ತು ತಾಯಿಯ ಎಲ್ಲಾ ಕಷ್ಟಗಳನ್ನು ಬಾಲ್ಯದಿಂದ ಮೂಖನಂತೆ ನೋಡಿಕೊಂಡು ಬೆಳೆದಿರುವ ಮಗನಿಗೆ ತಾನು ಒಂದು ಮನೆ ಕಟ್ಟಿ " ಅಮ್ಮಾ... ಇದು ನಿನ್ನ ಸ್ವಂತ ಮನೆ... " ಎಂದು ಹೇಳಿ, ಒಂದು ದಿನವಾದರೂ ನನ್ನಮ್ಮನನ್ನು ಸ್ವಂತ ಮನೆಯಲ್ಲಿ ಇರಿಸುವ ಇರಾದೆ ಆ ಮಗನಿ
Read more

ಹೇಗಿದ್ದಾರೆ ಮೇಷ್ಟ್ರು..?

-
Image
ಶಾಲೆಯಲ್ಲಿ ವಿದ್ಯೆ ಕಲಿಸಿದ ಗುರುಗಳನ್ನ ಸಾಮಾನ್ಯವಾಗಿ ವಿದ್ಯಾರ್ಥಿ ಜೀವನಕ್ಕೆ ಮಾತ್ರ ಸೀಮಿತವಿಡುತ್ತೇವೆ. ಅಭ್ಯಾಸವಧಿಯ ನಂತರ ಶಿಕ್ಷಕರನ್ನು ಮರೆತುಬಿಡುವುದು ಲೋಕರೂಡಿಯಾಗಿದೆ. . ಹೌದು, ದಿನನಿತ್ಯ ಜೀವನದ ಹಲವಾರು ಪ್ರಸಂಗಗಳಲ್ಲಿ ಹಾಗೂ ಕಷ್ಟ ಕಾರ್ಪಣ್ಯಗಳ ನಡುವೆ ನಮಗೆ ಸಲಹೆ-ಸೂಚನೆಗಳು, ಮಾರ್ಗದರ್ಶನ ಬೇಕೆನಿಸಿದ್ದಲ್ಲಿ ಹೊಸದಾಗಿ ಪರಿಚಯವಾದ ಸುತ್ತಮುತ್ತಲಿನ ವ್ಯಕ್ತಿಗಳನ್ನು ಕೇಳುತ್ತೇವೆ ಮತ್ತು ಅವರ ಸಲಹೆಯನ್ನು ಪಾಲಿಸುತ್ತೇವೆ ಕೂಡ. ತದನಂತರ ಕೆಲವೊಮ್ಮೆ ಅಯ್ಯೋ... ಅವರ ಮಾತು ಕೇಳಬಾರದಿತ್ತು ಅಂತ ಪೇಚಾಡುವ ಪ್ರಸಂಗ ಸಹ ನೋಡಿರುತ್ತೇವೆ. ಆದರೆ ನಮಗೆ ಬಾಲ್ಯದಿಂದ ನಿಸ್ವಾರ್ಥವಾಗಿ ಕಲಿಸಿದ ಒಬ್ಬ ಗುರುವಿನ ಸಲಹೆ ಪಡೆಯೋಣ ಎಂಬ ಕನಿಷ್ಠ ಮನೋಭಾವನೆ ಬರುವುದಿಲ್ಲ. . ಗುರುಗಳ ಸಲಹೆ, ಮಾರ್ಗದರ್ಶನ ಪಡೆಯದಿದ್ದರೆ ಬಿಡಿ; ಅಪರೂಪಕ್ಕಾದರೂ ನಮಗಿಷ್ಟವೆನಿಸಿದ್ದ ಗುರುವಿಗೆ ಕರೆ ಮಾಡಿ " ಹೇಗಿದ್ದೀರಾ ಸರ್ / ಮೇಡಂ...? " ಎಂದು ಕೇಳುವ ಕನಿಷ್ಠ ಸೌಜನ್ಯವೂ ನಮಗಿಲ್ಲವಾಗಿದೆ. . ಅಲ್ಲಿ ಇಲ್ಲಿ ಪರಿಚಯವಾದ ಅಥವಾ ನೆರೆಹೊರೆಯ ವ್ಯಕ್ತಿಗಳ ಜೊತೆ ರಕ್ತ ಸಂಬಂದಿಗಳಿಗಿಂತ ಹೆಚ್ಚಿನ ತರ ಯಾವಾಗಲೂ ಒಡನಾಟ ಇಟ್ಟುಕೊಳ್ಳುತ್ತೇವೆ, ಸಂಪೂರ್ಣ ನಂಬುತ್ತೇವೆ, ಅವರಿಗೆ ಕಷ್ಟ ಎಂದಾಗ ಹಗಲು-ರಾತ್ರಿ ಬಿಸಿಲು-ಮಳೆ-ಗಾಳಿ-ಚಳಿ ಎನ್ನದೆ ಎದ್ದು ಬಿದ್ದು ಓಡಾಡುತ್ತೇವೆ, ಕೈಲಾದ ಸಹಾಯ ಮಾಡುತ್ತೇವೆ, ಮುಗಿಬಿದ್ದು ಅವರ ಹುಟ್ಟು ಹಬ್ಬ ಆಚರಿಸುತ್ತೇವೆ, ಹಬ್ಬ
Read more